Yuxarı

Komitə sədri: "Gənclərin milli-mənəvi dəyərlərimizə, mədəniyyətimizə meylini daha da gücləndirməliyik"

Mədəniyyət və Turizm Nazirliyi və Dövlət Komitəsi tərəfindən bu istiqamətdə işlər aparılır

Bakı. 18 oktyabr. REPORT.AZ/ "Milli-mənəvi, islami dəyərlərimizin gənclər tərəfindən öyrənilməsi daha geniş şəkildə həyata keçirilməlidir. Bu işdə onlara imkanlar yaradılmalıdır".

Bunu "Report"a açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.

Komitə sədri onu narahat edən, düşündürən bu məsələnin həlli üçün qeyd olunan məsələləri əhatə edən çoxlu kitablar çap olunmasının, televiziya verilişlərinin sayının artırılmasının vacibliyini bildirib: "Çoxsaylı kitablar çap olunmalıdır. Mədəniyyət xadimlərimizlə gənclərimizin görüşlərini təşkil eyməliyik. Bu işlər gedir. Mədəniyyət və Turizm Nazirliyi və Dövlət Komitəsi tərəfindən bu istiqamətdə işlər aparılır. Gənclərin milli-mənəvi dəyərlərimizə, mədəniyyətimizə meylini daha da gücləndirməliyik. Gənclər də bu işdə təşəbbüskar olmalıdırlar". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi