Yuxarı
    Bağlamaq

    Dövlət Komitəsi "Nardaran və nardaranlılar” adlı kitab buraxıb

    Nəşr Nardaran və nardaranlılar barədə ensiklopedik xarakter daşıyır

    Bakı 30 yanvar. REPORT.AZ/ Dini Qurumlarla İş üzrə Dövlət Komitəsi "Nardaran və nardaranlılar” adlı kitab nəşr edib.

    Komitənin mətbuat xidmətindən "Report"a verilən məlumata görə, dini icmalara maliyyə yardımının göstərilməsi ilə bağlı Prezident İlham Əliyevin sərəncamına əsasən çap edilən kitabın müəllifi Dövlət Komitəsinin əməkdaşı Orxan Maşayevdir.

    Kitab Bakının ən qədim kəndlərindən olan Nardaranın Azərbaycan mədəniyyətinə, elminə bəxş etdiyi bir çox görkəmli şəxsiyyətlər, dəyərli alimlər, o cümlədən tarixçilər, şair və yazıçılar, din xadimləri, sənətçilər haqqındadır. Nəşr Nardaran və nardaranlılar barədə məlumat toplusu olub ensiklopedik xarakter daşıyır. Kitab oxucuya bu kəndin yetirməsi olan görkəmli şəxsiyyətlərin yaşayıb yaratdığı dövrün ab-havasını, ruhunu hiss etmək, həyat və yaradıcılığı ilə tanış olmaq imkanı yaradır.

    Nəşr, həmçinin oxuculara Nardaranın qədim tarixi, mədəniyyəti və incəsənəti ilə yaxından tanış olmağa imkan verir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi