Azərbaycanın hansı şəhər və rayonlarında mədrəsələrin açılacağı məlum olub - SİYAHI

Azərbaycanın hansı şəhər və rayonlarında mədrəsələrin açılacağı məlum olub - SİYAHI Həmin məktəblərdə təhsil alanlar təqaüd, yataqxana və geyimlə təmin olunacaqlar
Din
14 Dekabr , 2016 15:27
Azərbaycanın hansı şəhər və rayonlarında mədrəsələrin açılacağı məlum olub - SİYAHI

Bakı 14 dekabr. REPORT.AZ/ Azərbaycanın müxtəlif şəhər və rayonlarında 7 yeni mədrəsənin açılması planlaşdırılır.

"Report"un əldə etdiyi məlumata görə, həmin dini məktəblər Bakı şəhərində yerləşən "Heydər" və "Bibiheybət" məscidlərinin nəzdində, Nardaran qəsəbəsində, Naxçıvan, Gəncə, Lənkəran şəhərlərində və Quba rayonunda fəaliyyət göstərəcək. 

Gənclərə yüksək səviyyəli dini təhsil verilməsini nəzərdə tutan mədrəsələrdə təhsil alanlara Qafqaz Müsəlmanları İdarəsi (QMİ) tərəfindən həm təqaüd veriləcək, həm də onlar yataqxana və geyimlə təmin olunacaqlar.

Hazırda müvafiq qurumlar bu istiqamətdə iş aparır.

Qeyd edək ki, bu gün Azərbaycanda üç mədrəsə - Bakıda "Şəbnəm" qızlar mədrəsəsi, Zaqatala rayon Əliabad islam mədrəsəsi və Şəki islam mədrəsəsi dövlət qeydiyyatına alınıb.

Son xəbərlər

Orphus sistemi