Yuxarı
    Bağlamaq

    Azərbaycanda qəbiristanlıqlarda öncədən yer götürmək qadağan olunacaq

    Mübariz Qurbanlı: “Məzarların hamısı eyni olacaq”

    Bakı. 28 dekabr. REPORT.AZ/ “Məzarlıqlarla bağlı qanun layihəsi Milli Məclisə təqdim olunub. Gələn il bu layihəyə baxılacaq”.

    “Report”un xəbərinə görə, bunu Dini Qurumlarla İş üzrə Dövlət Komitəsinin sədri Mübariz Qurbanlı jurnalistlərə açıqlamasında deyib.

    O bildirib ki, qanun yalnız yeni salınan məzarlıqlara aid olacaq: “Kimsəsiz insanların necə dəfn olunması məsələsi də qanunda əks olunub. Xüsusi kimsəsizlər qəbiristanlığı salınmayacaq. Yəni, ayrı-seçkilik olmayacaq”.

    M.Qurbanlı bildirib ki, layihədə öncədən yer götürmək qadağan olunacaq: “Yalnız şəxsin vəsiyyətinə əsasən, kişidirsə xanımın, xanımdırsa həyat yoldaşının yanında dəfn ediləcək. Məzarların hamısı eyni olacaq. Burada əsas məsələ məzarların dəbdəbəli olmasının qarşısının alınmasıdır”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi