Yuxarı

Allahşükür Paşazadə Çeçenistan rəhbəri Ramzan Kadırovla görüşüb

R.Kadırov: O mənə Azərbaycan prezidentinin isti salamlarını çatdırdı

Bakı. 27 avqust. REPORT.AZ/ Çeçenistan Respublikasının rəhbəri Ramzan Kadırov Qroznıda səfərdə olan Qafqaz Müsəlmanları İdarəsinin sədri, şeyxulislam Allahşükür Paşazədəni qəbul edib.

"Report" xəbər verir ki, bu barədə R.Kadırov öz "İnstagram" səhifəsində yazıb.

"O mənə böyük qardaşım, Azərbaycan prezidenti İlham Əliyevin isti salamlarını çatdırdı. Paşazadə uzun illər dost olduğu Çeçenistan Respublikasının ilk prezidenti, Rusiyanın Milli Qəhrəmanı Əhməd Hacı Kadırov ilə çoxsaylı görüşləri barədə söz açdı. Mən ona gəlişinə görə təşəkkürümü bildirdim, İlham Əliyevi Çeçenistanda gözlədiyimizi ona çatdırmasını xahiş etdim", – deyə R.Kadırov əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi