Yuxarı

​Zirzəmidəki ruh şərab həvəskarlarını şoka salıb - VİDEO

Paronormal hadisələr üzrə ekspertlər videogörüntüdə həqiqətən ruhun hərəkət etdiyini təsdiqləyir

Bakı. 23 iyul. REPORT.AZ/ İngiltərənin Çeşir qraflığındakı barlardan birində daxili nəzarət kameraları pilləkənlərlə "sürüşərək" hərəkət edən ruhu lentə alıb.

"Report" xarici KİV-ə istinadən xəbər verir ki, videogörüntüdə bar işçilərinin zirzəmidəki işığı söndürərək oradan uzaqlaşmaları aydın görünür. Bundan sonra kamera silkələnməyə başlayır və görüntü itir, sonra isə orada pilləkənlərlə asta-asta yuxarıya tərəf hərəkət edən naməlum açıq rəngdə siluet görünür.

"Barın işçiləri müntəzəm olaraq burada gənc qadının ruhunu görürlər. Eləcə də barın əməkdaşları buranın çox mənfi atmosferi olduğunu və bir sıra anlaşılmaz şeylərin baş verdiyini deyirlər. Məsələn, çaxır zirzəmisində tez-tez elektrik lampasının özünün yanıb-sönməsi müşahidə olunur və zirzəmidən qışqırıq səsləri gəlir", - deyə barın əməkdaşları deyir.

Qeyd edək ki, paronormal hadisələr üzrə ekspertlər videogörüntüdə həqiqətən ruhun hərəkət etdiyini təsdiqləyirlər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi