Vladimir Zelenski Rusiya ilə dialoq aparmayacaq

Ukrayna prezidenti Vladimir Zelenski Rusiya ilə danışıqlar aparılması ehtimalını istisna edib.

"Report" TASS-a istinadən xəbər verir ki, bu barədə Ukrayna dövlət başçısı "IFORUM - 2019" forumunda çıxışına başlamazdan əvvəl Kiyevdə jurnalistlərə bildirib.

Rusiyanın İctimai Televiziyasının jurnalistinin "Rusiya ilə danışıqlar aparacaqsınızmı" sualına V.Zelenski "Xeyr" deyə cavab verib.

Daha sonra çıxışı zamanı V.Zelenski bir neçə dəfə Rusiyanın hər cəhətdən Ukraynadan öndə olduğunu qeyd edib, ancaq onu təcavüzkar adlandırıb.