Zambiyada "Afrikanın Qandisi"nin xatirəsinə 21 gün yas tutulacaq

Zambiyada "Afrikanın Qandisi"nin xatirəsinə 21 gün yas tutulacaq Zambiyanın ilk, qurucu prezidenti Kennet Deyvid Buçayzya Kaundanın xatirəsinə ölkədə 21 gün matəm elan edilib.
Digər ölkələr
18 İyun , 2021 09:55
Zambiyada Afrikanın Qandisinin xatirəsinə  21 gün yas tutulacaq
Kennet Kaunda

Zambiyanın ilk, qurucu prezidenti Kennet Deyvid Buçayzya Kaundanın xatirəsinə ölkədə 21 gün matəm elan edilib.

“Report” “TRTHaber”ə istinadən xəbər verir ki, bu barədə Zambiya hökuməti açıqlama yayıb.

Bildirilib ki, bununla əlaqədar dövlət bayrağı endiriləcək.

Açıqlamaya əsasən, Kaunda iyunun 13-dən müalicə olunduğu hərbi hospitalda vəfat edib.

Kennet Deyvid Buçayzya Kaunda 1924-cü il aprelin 28-də Şimali Rodeziyanın Çinsali şəhərində anadan olub. 2021-ci il iyunun 17-də Zambiyada vəfat edib. O, ölkəsinin ilk baş naziri və prezidenti olub. Zambiya 1964-cü ildə Böyük Britaniyanın müstəmləkəsindən qurtulub. Bundan sonra Kaunda 27 il ölkəsini idarə edib. Xalq arasında o, “KK” ləqəbi ilə tanınırdı.

Onu “Afrikanın Qandisi” də adlandırırdılar. 1991-ci ildə Zambiya çoxpartiyalı sistemə keçib. Həmin il keçirilən prezident seçkilərində Kaunda rəqibi Fredrik Çilubaya məğlub olub.

Kaunda Cənubi Afrika ölkələrində ağ azlıqların hakimiyyətinə qarşı mübarizə aparan əsas fiqurlardan biri olub.

Son xəbərlər

Orphus sistemi