Yuxarı
    Bağlamaq

    ​Yunanıstanın baş naziri türk hərbi pilotlarını "əsəbi" adlandırıb

    Sipras: Xoşbəxtlikdən, bizim pilotlar ruslara qarşı türklər kimi əsəbi deyillər

    Bakı. 30 noyabr. REPORT.AZ/ Yunanıstanın baş naziri Aleksis Sipras bildirib ki, yunan pilotları, xoşbəxtlikdən türklər kimi "əsəbi" deyillər.

    "Report" xəbər verir ki, bu barədə o öz "twitter" səhifəsində türkiyəli həmkarı Əhməd Davudoğluya xitabən yazıb.

    "Xoşbəxtlikdən, bizim pilotlar ruslara qarşı türklər kimi "əsəbi" deyillər", - deyə Sipras bildirib.

    "Egey dənizində baş verənlər ağılasığmaz və axmaqlıqdır. Biz silahlanmaya milyardlarla avro sərf edirik - siz hava məkanını pozmaq üçün, biz sizin qarşınızı almaq üçün. Bizim ən müasir havadan müdafiə sistemlərimiz var, aşağıda isə günahsız insanları Egey dənizində batıran qaçaqmalçıları tapa bilmirik", — deyə Sipras bildirib.

    Türkiyənin baş naziri Əhməd Davudoğlu yunan həmkarına öz "Twitter" səhifəsində cavab ünvanlayıb:

    "Siprasın pilotlar barədə şərhləri, mənə elə gəlir, tamamilə bu günün ruhuna uyğun deyil. Aleksis, imkan verin fikrimizi müsbət gündəmə cəmləşdirək".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi