Yunanıstanda növbədənkənar parlament seçkiləri keçirilir

BAKI. 25 yanvar. REPORT.AZ/ Yunanıstanda bu gün növbədənkənar parlament seçkiləri keçirilir.

"Report" xəbər verir ki, bu ölkədə səsvermə hüququna malik vətəndaşların sayı 9.8 milyon nəfərdir.

Sorğulara əsasən, Aleksis Tsiprasın rəhbərlik etdiyi radikal sol fikirli Siriza partiyası qələbəyə ən yaxın olan siyasi qurumdur.

Baş nazir Antonis Samarasın lideri olduğu Yeni Demokratiya partiyasının isə ikinci olacağı gözlənilir.