Yeni Zelandiyada məscidə silahlı hücum edərək 50 nəfəri öldürən Brenton Tarrant aprelin 5-də yenidən məhkəmə qarşısına çıxarılacaq.
“Report” “Yeniakıt”a istinadən xəbər verir ki, bunu onun vəkili Riçard Peters bildirib.
O, müvəkkilinin anlaqlı vəziyyətdə olduğunu vurğulayıb.
Qeyd edək ki, martın 15-də Yeni Zelandiyada məscidə silahlı hücum olub. Hadisə ilə bağlı istintaq davam edir.
Martın 18-də terror qurbanlarının meyitnin tanınması prosesi başa çatıb. Onlardan 9-u Pakistan vətəndaşıdır. Rəsmi İslamaabad martın 18-ini ölkədə matəm elan edib.