Bakı. 3 iyun. REPORT.AZ/ Yəmənin qərbinə endirilmiş hava zərbələri nəticəsində onlarla husi həlak olub.
"Report" "Anadolu" agentliyinə istinadən xəbər verir ki, bu barədə Birləşmiş Ərəb Əmirliklərinin rəsmi mətbu orqanı ŞAM məlumat yayıb.
Məlumatda qeyd edilir ki, Birləşmiş Ərəb Əmirliklərinin Silahlı Qüvvələrinin Səudiyyə Ərəbistanının rəhbərlik etdiyi koalisiyaya dəstəyi ilə Yəmənin qərbinə - Hudeydəyə, husilərin nəzarəti altına olan əraziyə hava zərbələri endirib. Nəticədə 70 husi öldürülüb. Ərazidə keçirilən əməliyyat zamanı daha 21 husinin ələ keçirildiyi bildirilir.