Yəmənin müdafiə naziri Aden şəhərinə qaçıb

Bakı. 8 mart. REPORT.AZ/ Yəmənin paytaxtı Sana şəhərində Husi döyüşçüləri tərəfindən iki aydır ev dustağı tutulan müdafiə naziri general Mahmud es-Subeyhi Aden şəhərinə qaçmağa müvəffəq olub.

"Report" TRT-yə istinadən xəbər verir ki, məlumatı es-Subeyhin köməkçiləri təstiq edib.

Hökumət və prezident Əbd Rabo Mənsur Hadi, yanvar ayında istefa etdikdən sonra, Yəməndə siyasi böhran dərinləşib. Qütbləşmə davam edir.  Husilər, fevralın 6-da mövcud ölkə parlamentini lәğv etdiklərini bəyan etdilər.