Yəməndəki husi qiyamçıları Səudiyyə Ərəbistanını atəşə tutmağı dayandırıblar

Bakı. 19 noyabr. REPORT.AZ/ Yəməndəki husi qiyamçıları Səudiyyə Ərəbistanı ərazisinə raket atəşi açmağı dayandırdıqlarını elan ediblər.

“Report” İsrail KİV-inə istinadən xəbər verir ki, bunu husilərin ali inqilab komitəsinin başçısı Məhəmməd əl-Husi bildirib.

Krallıq ərazisinə pilotsuz uçan aparatların (PUA) uçuşu da dayandırılıb.

Bu, Hodeydəki koalisiyanın hücumları dayandırmasına cavab addımı sayılır.