Yuxarı
    Bağlamaq

    Yəməndə yenidən toy mərasimi bombalandı: 15 ölü, 25 yaralı

    Koalisiya rəhbərliyi insidentlə əlaqədar hər hansı şərh verməyib

    Bakı. 8 oktyabr. REPORT.AZ/ Səudiyyə Ərəbistanı rəhbərliyi altında olan və ABŞ-ın dəstək verdiyi koalisiya qüvvələri Yəməndə növbəti dəfə toy mərasimi keçirilən əraziyə hava zərbələri endiriblər. “Report”un RİA “Novosti” agentliyinə istinadən verdiyi xəbərə görə, nəticədə ən azı 15 nəfər həlak olub, 25 nəfər yaralanıb.

    Hadisə paytaxt Sənadan 113 kilometr cənub-şərqdə yerləşən Damar vilayətində qeydə alınıb. Mərasim iştirakçılarının qiyamçı husilərə mənsub qəbilə üzvləri olduğu qeyd olunur.

    Koalisiya rəhbərliyi insidentlə əlaqədar hər hansı şərh verməyib.

    Xatırladaq ki, sentyabrın sonunda Qırmızı Dənizin sahilində yerləşən liman şəhəri Mohada ərəb ölkələri koalisiyasının hücumları nəticəsində azı 131 nəfər həlak olmuşdu. Koalisiya təyyarələri iki toy çadırına bir neçə raket zərbəsi endirmişdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi