Yuxarı
    Bağlamaq

    ​Yəməndə şiələr hakimiyyəti ələ keçiriblər

    Onlar dövləti idarə etmək üçün müvəqqəti prezident şurası yaradıblar

    Bakı. 7 fevral. REPORT.AZ/ Yəməndə şiə təriqətindən olan husilər ölkə hakimiyyətini ələ keçirdiklərini, parlamenti buraxdıqlarını və dövləti idarə etmək üçün müvəqqəti prezident şurası yaratdıqlarını bəyan ediblər.

    "Report" xəbər verir ki, Yəmən prezidenti Əbdrəbba Mansur Hadi husilərin ondan Nazirlər Kabinetində vəzifə tələb etmələrindən sonra istefa verib.

    Fevralın 1-də üsyançılar yeni hökumət formalaşdırmaq məqsədi ilə hakimiyyət böhranın aradan qaldırılması ilə bağlı ölkənin siyasi partiyalarına ultimatum veriblər. Lakin BMT-nin vasitəçiliyi ilə aparılan danışıqlar nəticəsiz qalıb.

    Nüfuzlu sünnilər və Yəmənin cənubunu təmsil edən siyasi partiyalar ölkədə hakimiyyətin husilərin əlinə keçməsini qəbul etmirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi