Yuxarı
    Bağlamaq

    Yəməndə prezident iqamətgahına girişdə güclü partlayış baş verib, 8 nəfər ölüb

    Minalanmış avtomobil Əl-Maaşık sarayı yaxınlığında partladılıb

    Bakı. 28 yanvar. REPORT.AZ/ Bu gün Yəmənin müvəqqəti paytaxtı olan Ədəndə prezident Abdurabbu Mənsur Hadinin iqamətgahına girişdə güclü partlayış baş verib. 

    "Report"un TASS-a istinadən verdiyi xəbərə görə, "Sky News Arabia" peyk telekanalının yaydığı məlumata əsasən, hadisə nəticəsində 8 nəfər həlak olub, daha 12 nəfər xəsarət alıb. 

    Qeyd edək ki, minalanmış avtomobil "Əl-Maaşik" sarayı yaxınlığında partladılıb.

    *** 17:54

    Yəmənin Ədən şəhərində prezident Abdurabbu Mənsur Hadinin iqamətgahının girişi yaxınlığında güclü partlayış olub.

    "Report" xəbər verir ki, bu haqda "Sky News Arabia" telekanalı məlumat yayıb.

    Məlumata görə, "Al-Maaşik" sarayının qapısı yaxınlığında minalanmış avtomobil partlayaraq havaya uçub.

    Partlayış nəticəsində ölənlərin və yaralananların olduğu bildirilsə də, onları sayı hələlik məlum deyil. Partlayış törədilən zaman dövlət başçısının harada olduğu da bilinmir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi