Yuxarı
    Bağlamaq

    ​Yəməndə milli birlik hökumətinin formalaşdırılması barədə razılıq əldə olunub

    Münaqişə tərəfləri Küveytdə prinsipial razılığa gəliblər

    Bakı. 27 may. REPORT.AZ/ Küveytdə Yəmən üzrə keçirilən məsləhətləşmələrdə bütün münaqişə tərəflərinin nümayəndələri də daxil olmaqla milli birlik hökumətinin formalaşdırılması barədə prinsipial razılaşma əldə olunub.

    "Report" xəbər verir ki, bu barədə "Sputnik" agentliyi məlumat yayıb.

    Bundan əvvəl Yəmən hökuməti və ona qarşı çıxan üsyançı husilər Küveytdə aparılan danışıqlar zamanı müsəlmanlar üçün müqəddəs olan və bu il iyunun 7-də başlayan Ramazan ayı ərəfəsində əsirləri mübadilə etmək barədə razılıq əldə ediblər.

    Yəməndə münaqişə davam edir. Burada bir tərəfdə "Ənsar Allah" hərəkatından olan üsyançı husilər və ordunun sabiq prezident Əli Abdullah Salehə sadiq olan bir hissəsi, digər tərəfdə isə prezident Əbd Rəbbu Mənsur Hadinin qoşunları müharibə edir. İkinciləri qurudan və havadan Səudiyyə Ərəbistanının başçılıq etdiyi ərəb koalisiyası tərəfindən dəstəklənir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi