Yuxarı

Yəməndə husi üsyançıları atəşkəsi qəbul ediblər

Atəşkəs çərşənbə axşamı günü qüvvəyə minməlidir

Bakı. 11 May. REPORT.AZ/ Yəməndə husi üsyançıları humanitar məqsədlə 5 günlük atəşkəsi qəbul edib.

"Report" "Amerikanın Səsi"nə istinadən xəbər verir ki, atəşkəs çərşənbə axşamı günü qüvvəyə minməlidir.

Qrupun bəyanatı Səudiyyə Ərəbistanının başçılığı ilə koalisiya qüvvələrinin sabiq prezident Əli Abdulla Salehin iqamətgahını bombalamasından sonra səslənib.

Salehin evdə olmadığı təxmin edilir. Televiziya ilə hadisədən sonra onun evinin dağıntıları yanında durduğu nümayiş etdirilib.

Mart ayından bəri Yəməndə aparılan döyüşlər yüzlərlə mülki vətəndaşın tələfatına səbəb olub. Münaqişə ölkədə böyük humanitar böhran yaradıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi