Yuxarı
    Bağlamaq

    Yəməndə gəminin atəşə tutulması nəticəsində ölənlərin sayı 42 nəfərə çatıb

    Somalidən olan miqrantların gəmisi vertolyotdan atəşə tutulub

    Bakı. 18 mart. REPORT.AZ/ Yəmən sahillərində Somali miqrantlarını daşıyan gəminin vertolyotdan atəşə tutulması nəticəsində ölənlərin sayı 42 nəfərə çatıb.

    "Report" xəbər verir ki, bu barədə Yəməndə Miqrasiya üzrə Beynəlxalq Təşkilatın nümayəndələrinə istinadən AFP məlumat yayıb.

    İnsident Bab-əl-Məndəb boğaazı yaxınlığında baş verib. Üzərində tanıdıcı nişanı olmayan "Apache" tipli vertolyot Yəməndən Sudana gedən Somali qaçqınlarını atəşə tutub. Hava hücumundan sonra qaçqınlar Yəmənin Hodeyda limanına geri qayıdıblar. İlkin olaraq gəminin göyərtəsində 33 cəsəd aşkar edilib, 29 miqrant yaralanıb. Gəmidə ümumilikdə təqribən 140 nəfər sərnişin olub. Bir çox sərnişinlər hələ də tapılmayıblar.

    BMT-nin məlumatına görə, Yəməndə 255 mindən çox Somali qaçqını var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi