Yəməndə bazarın atəşə tutulması nəticəsində 17 nəfər həlak olub.
"Report" RİA "Novosti"yə istinadən xəbər verir ki, bu barədə husilərin nəzarəti altında olan "Əl-Masira" telekanalı məlumat yayıb.
Qeyd edilir ki, hadisə ölkənin şimal-qərbindəki Saada vilayətində baş verib.
Telekanal bazarın raket və artilleriya atəşlərinə məruz qaldığını bildirib. Qeyd edilir ki, ölənlərdən 5-i Yəmən vətəndaşları, 12-i isə Afrikadan olan miqrantlardır.
Telekanal bazarın Səudiyyə Ərəbistanı ordusu tərəfindən atəşə tutulduğunu iddia edib.
Daha əvvəl atəş nəticəsində 15 nəfərin həlak olduğu bildirilib.