​Yəməndə baş nazirin iqamətgahı atəşə tutulub, 12 nəfər ölüb

Bakı. 6 oktyabr. REPORT.AZ/ Yəmənin Ədən şəhərində baş nazir Xalid Bahahın iqamətgahının atəşə tutulması nəticəsində 12 nəfər ölüb.

"Report" "CNN"-ə istinadən xəbər verir ki, hadisə zamanı baş nazir xəsarət almayıb. Ölənlərdən üçü Birləşmiş Ərəb Əmirliyi ordusunun əsgəridir.

Atışmanın məsuliyyətini hələlik heç bir qruplaşma öz üzərinə götürməyib.