Yuxarı
    Bağlamaq

    Yəmən sahillərində neft tankerinə hücum olub

    Gəmiyə üç reaktiv qumbara atılıb

    Bakı. 31 may. REPORT.AZ/ Qırmızı dənizin Yəmən sahillərində naməlum şəxslər tərəfindən neft tankerinə hücum olub.

    "Report" RİA "Novosti"yə istinadən xəbər verir ki, bu barədə Avropa İttifaqının "EU NAVFOR" missiyası məlumat yayıb.

    "EU NAVFOR təsdiq edə bilər ki, bu gün erkən saatlarda üç nəfər qayıqla Bab-əl-Məndəb boğazının cənub hissəsində Marşal Adaları bayrağı altında üzən neft tankerinə atəş açıb", - deyə missiyanın saytına yerləşdirilən məlumatda bildirilir.

    Gəmiyə tərəf üç reaktiv qumbara atılıb, ardınca canilər ərazidən uzaqlaşıb. Tanker hazırda öz yoluna davam edir.

    Missiya hadisənin təfərrüatlarını araşdırır. İlkin qiymətləndirməyə görə, hücum piratlar tərəfindən edilib və Yəməndəki hərbi əməliyyatlarla əlaqəlidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi