Yəmən husiləri Səudiyyə Ərəbistanının vertolyotunu vurublar

Bakı. 31 may. REPORT.AZ/ Yəmən husiləri Səudiyyə Ərəbistanının vertolyotunu vurublar.

"Report" xəbər verir ki, bu barədə SANA agentliyi məlumat yayıb.

Məlumata görə, hadisə krallığın cənub-qərbində baş verib. İlkin xəbərdə bildirilir ki, vertolyotun heyət üzvü sağ qalıb. 

Ər-Riyad hələlik xəbəri şərh etməyib.

Səudiyyə Ərəbistanının hava hücumundan müdafiə qüvvələri mütəmadi olaraq Yəməndən atılan ballistik raketləri vururlar.