Yaponiyanın yeni XİN başçısı məlum olub

Yaponiyanın keçmiş müdafiə naziri Yosimasa Hayasi ölkənin yeni xarici işlər naziri təyin olunub.

“Report” “RİA Novosti”yə istinadən xəbər verir ki, bunu Yaponiya hökumətinin baş katibi Xirokadzu Masuna noyabrın 10-da keçirdiyi mətbuat konfransında bildirib.

Onun sözlərinə görə, Fumio Kişida hökumətində xarici işlər naziri postuna əvvəllər müdafiə, elm və təhsil, kənd təsərrüfatı naziri olmuş Yosimasa Hayasi təyin olunub.

Məlumata görə, 60 yaşlı siyasətçi 2008-ci ildə Yasuo Fukuda hökumətində müdafiə naziri, Abe kabinetində isə kənd, meşə və balıqçılıq təsərrüfatları naziri, 2017-2018-ci illərdə təhsil və elm naziri olub.