Yaponiyanın neft emalı zavodunda yanğın 40 saatdan sonra söndürülüb

Bakı. 24 yanvar. REPORT.AZ/ Yaponiyanın Vakayama prefekturasının Arida şəhərində yerləşən "Tonen" kimya korporasiyasına məxsus neftayırma zavodunda baş vermiş yanğın başladığı vaxtdan 40 saat sonra söndürülüb.

"Report" xəbər verir ki, bu barədə "Kiodo" məlumat yayıb.

Yanğın bazar günü baş verib. Yanğının ocağının sürtkü materialları konteynerinin ola biləcəyi ehtimal edilir. Partlayış təhlükəsi olduğundan, yaxınlıqda yaşayan 500-dən çox yerli sakin təxliyə olunub.

Yanğınsöndürənlərə alovu tamamilə söndürmək üçün təqribən iki sutka lazım olub.