Yuxarı

Yaponiyanın Hərbi Hava Qüvvələrinin keçmiş qərargah rəhbəri həbs edilib

O, qubernator seçkilərindən sonra komandasının üzvlərinə qanunsuz pul ödəmələrində şübhəli bilinir

Bakı. 14 aprel. REPORT.AZ/ Tokio Prokurorluğu Yaponiyanın Hərbi Hava Qüvvələrinin keçmiş qərargah rəhbəri Tosio Tomoqamini həbs edib.

"Report"un məlumatına görə, o, paytaxt qubernatoru vəzifəsinə keçirilmiş seçkilərdən sonra komandasının üzvlərinə qanunsuz pul ödəmələrində şübhəli bilinir.

Tomoqami 2014-cü ildə Tokioda keçirilmiş qubernator seçkilərində iştirak edib. Lakin məğlub olub.

"Kiodo" xəbər agentliyinin məlumatına görə, keçmiş hərbi qulluqçu Tokionun qubernator seçkilərində məğlubiyyətindən sonra öz komandasının üzvlərinə qeyri-leqal pul mükafatlarını ödəmək barədə göstəriş verib. Bu, Yaponiyada qüvvədə olan seçki qanunvericiliyinin pozulmasıdır.

Tomoqami ona qarşı irəli sürülmüş ittihamları rədd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi