Yaponiyanın baş naziri Rusiya və Monqolustan prezidentləri arasında cüdo qarşılaşması keçirilməsini təklif edib

Bakı. 7 sentyabr. REPORT.AZ/ Yaponiyanın baş naziri Sindzo Abe Dünya İqtisadi Forumunun plenar sessiyasında cüdo üzrə qara kəmərə sahib Rusiya və Monqolustan prezidentlərini Yaponiyaya dəvət edib və onların ifasında qarşılaşma təşkil etməyi irəli sürüb.

"Report" "İnterfaks"a istinadən xəbər verir ki, baş nazir zalda iştirak edən Olimpiya Oyunlarının cüdo yarışları üzrə qızıl medalçısı Yasuhiro Yamasitoya müraciətində bu fikri səslənidirb.

"Rusiya prezidenti Vladimir Putinin cüdo üzrə qara kəməri var. Monqolustan prezidenti Haltmaagiyn Battulganın da həmçinin. Bəlkə, Yaponiya Cüdo Federasiyasının xətti ilə onları Yaponiyaya dəvət edib qarşılaşmalarını təşkil edəsiniz...", - S.Abe vurğulayıb.

Yaponiyanın hökumət başçısı zarafatından qalmayaraq qara kəmərinin olmadığını və zədə almaq istəmədiyini, ona görə də bu görüşü kənardan sakitcə izləməyə üstünlük verəcəyini deyib.