Yaponiyanın baş naziri Moskvada paradda iştirak etməyəcək

Yaponiyanın Baş naziri Sindzo Abe koronavirus pandemiyası ilə əlaqədar iyunun 24-də Moskvada keçiriləcək Qələbə paradında iştirak etməyəcək.

“Report” TASS-a istinadən xəbər verir ki, bunu iyunun 19-da Yaponiya Xarici İşlər Nazirliyinin Avropa İdarəsinin müşaviri Xideki Uyama bildirib.

“Koronavirusla bağlı vəziyyət nəzərə alınaraq baş nazir Abe mərasimdə iştirak etməyəcək”, - müşavir vurğulayıb.

Qeyd edək ki, iyunun 24-də Moskvada Böyük Vətən müharibəsində qələbənin 75-ci ildönümünə həsr edilən hərbi parad keçiriləcək.