Yaponiyada zəlzələ nəticəsində ölənlərin sayı 16 nəfərə çatıb

Bakı. 7 sentyabr. REPORT.AZ/ Yaponiyanın Hokkaydo adasında baş verən zəlzələ nəticəsində ölənlərin sayı 16 nəfərə çatıb, daha 26 nəfər itkin düşüb.

"Report" "Kiodo" nəşrinə istinadən xəbər verir ki, bu barədə yerli hökumətin məlumatında bildirilir.

Qeyd olunur ki, təqribən 3 milyon ev işıqsız qalıb, elektrik təchizatı yalnız həftə ərzində bərpa olunacaq. Xilasetmə əməliyyatlarında 20 minə yaxın insan iştirak edir.

Sentyabrın 5-də Hokkaydo adasında 6,7 maqnituda gücündə zəlzələ baş verib.