Bakı. 24 noyabr. REPORT.AZ/ Yaponiya sahillərində növbəti zəlzələ olub.
"Report" xəbər verir ki, bu barədə ABŞ-ın Geologiya Xidməti məlumat yayıb.
Məlumatda bildirilir ki, zəlzələ 5,2 maqnitudada olub. Yeraltı təkanların episentri 46 kilometr dərinlikdə və Namie yaşayış məntəqəsindən 36 kilometr şimal-qərbdə yerləşib.
İlkin məlumata görə, dağıntı və xəsarət alan yoxdur. Sunami təhlükəsi elan edilməyib.
Qeyd edək ki, bu, Yaponiyada növbəti zəlzələdir. Dünən Sakit okeanda - Yaponiyanın Fukusima əyalətinin sahilləri yaxınlığında da 5,0 maqnituda gücündə zəlzələ qeydə alınıb.