Yaponiyada sunami təhlükəsi elan edilib

Yaponiya sahillərində 6,6 maqnitudalı zəlzələ baş verib.

Bu barədə "Report" RİA "Novosti"yə istinadən xəbər verir.

Yerli KİV zəlzələnin episentrinin Niiqata şəhərindən 85 km şimal-şərqdə olduğunu məlumat verib.

Ölkənin şimal-qərb sahillərində hündürlüyü bir metrə çatan dalğalarla sunami olması ehtimalı var.

Hələlik xəsarət alanlar və dağıntılar barədə məlumat yoxdur.