Bakı. 6 avqust. REPORT.AZ/ Yaponiyanın cənub-qərbindəki Kumamoto hava limanında yüngül motorlu təyyarənin enişi zamanı qəza baş verib, bütün reyslər təxirə salınıb.
Bu barədə "Report" RİA "Novosti"yə istinadən xəbər verir.
Belə ki, eniş zamanı təyyarənin şassisi qırılıb. Pilot yaralanıb və xəstəxanaya yerləşdirilib. Hadisədən sonra eniş zolağı bağlanılıb. Nəticədə hava limanından bütün reyslər təxirə salınıb.
Hadisənin səbəbləri araşdırılır.