Yuxarı
    Bağlamaq

    Yaponiyada güclü qar yağması azı 120 nəfərə ziyan vurub

    Güclü qar yağışı nəqliyyatın işində də ciddi fəsadlara yol açıb

    Bakı. 18 yanvar. REPORT.AZ/ Yaponiyanın şimal-şərq və şərq hissəsinə, o cümlədən paytaxt regionuna güclü qar yağması azı 120 nəfərə ziyan vurub. "Report"un TASS-a istinadən məlumatına görə, zərərçəkənlərin əsas hissəsi paytaxt Tokio, eləcə də Tiba və Saitama prefekturalarının sakinləridir.

    Güclü qar yağışı nəqliyyatın işində də ciddi fəsadlara yol açıb. Yaponiyanın "Japan Airlines" və "All Nippon Airways" daşıma şirkətlərinin məlumatına görə, indiyə qədər artıq 177 təyyarə reysi ləğv edilib. Uçuş cədvəlindəki dəyişikliklər əsasən daxili marşrutlara aid olub.

    Yaponiyanın dəmir yolları operator-şirkəti "JR East" isə onlarla qatar reysinin ləğv edildiyini açıqlayıb. Bu reyslər əsasən Tokiodan ölkənin dağlıq rayonlarına olanlardır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi