Yaponiyada bir neçə dəfə zəlzələ olub, xəsarət alanlar var

Bakı. 9 aprel. REPORT.AZ/ Yaponiyada bir neçə dəfə zəlzələ olub.

"Report" "RT"ə istinadən xəbər verir ki, bu barədə "The Mainichi" məlumat yayıb.

Məlumata görə, yeraltı təkanlar ölkənin qərb hissəsində qeydə alınıb. Ən güclü zəlzələ 6,1 bal gücündə olub.

Təbii hadisələr nəticəsində Oda şəhərində 4 nəfər xəsarət alıb. Zəlzələ səbəbindən 100 evin su, daha 50 evin elektrik təchizatı dayandırılıb.