Yuxarı
    Bağlamaq

    Yaponiyada 800 məktəbli qidadan zəhərlənib

    Zəhərlənənlərdən heç birinin vəziyyəti ağır deyil

    Bakı. 19 fevral. REPORT.AZ/ Yaponiyada kütləvi zəhərlənmə baş verib.

    "Report"un məlumatına görə, bu barədə "NHK" telekanalı xəbər verib.

    Məlumata görə, paytaxt Tokio yaxınlığındakı Tatikava şəhərinin 7 məktəbində 800 məktəbli qidadan zəhərlənib. Xəbərdə bildirilir ki, şagirdlər ürək bulanmasından və qarın sancısından şikayət ediblər.

    "TBS" teleşirkəti isə zəhərlənənlərin sayının 500 olduğunu bildirib. Məlumatlarda zəhərlənən şagirdlərdən heç birinin vəziyyətinin ağır olmadığı qeyd edilir. Bu, xəstəxanaya yerləşdirilmiş 5 məktəbliyə də aiddir.

    Şagirdlərin məktəblər üçün qida hazırlayan Tatikava şəhər kombinatının nahar yeməyindən zəhərləndikləri ehtimal olunur.

    Zəhərlənmə hadisənin baş verdiyi gün orada 3000 nəfərlik nahar yeməyi hazırlanıb. Hazırda kombinatda sanitar yoxlama həyata keçirilir və müəssisə fevralın 24-dək fəaliyyətini dayandırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi