Yaponiyada 3 amerikalı hərbçi polis avtomobilinə hücum edib

Yaponiyanın cənubundakı Okinava əyalətində 3 amerikalı hərbçi polis avtomobilinə hücum etdiklərinə görə həbs edilib.

“Report” “Kyodo”ya istinadən xəbər verir kii, şənbə axşamı Onna kurort şəhəri yaxınlığında baş verən hadisə zamanı eyni anda başqa polis avtomobilinin şüşəsi qırılıb. Saxlanılan amerikalı hərbçilərin içkili olduqları məlum olub.

Qeyd edək ki, Yaponiya ərazisinin bir faizini təşkil edən Okinavada ölkədəki, təqribən, 50 minlik ABŞ hərbi kontingentinin 70 faizi, yəni 30 baza yerləşir.