Yaponiya raket buraxılışına görə KXDR-yə qəti etiraz göndərib

Bakı. 29 avqust. REPORT.AZ/ Yaponiya hökuməti çərşənbə axşamı Milli Təhlükəsizlik Şurasının təcili iclasını keçirib.

"Report" xəbər verir ki, iclas KXDR-nin növbəti raket buraxılışı ilə əlaqədar baş tutub.

Yerli KİV-in məlumatına görə, Yaponiya Şimali Koreya hökumətinə öz etirazını göndərib.

Nazirlər Kabinetinin baş katibi Yosixide Suqa bildirib ki, bu cür hadisələr həm Yaponiyanın təhlükəsizliyi üçün, həm də Asiya-Sakit Okean regionu üçün çox ciddi təhlükədir.