Vyanada terror aktı törədilib, ölənlər və yaralananlar var

Vyanada baş verən silahlı insidentlərin təfərrüatları məlum olub.

“Report” xəbər verir ki, Vyanada tüfənglə silahlanmış bir neçə nəfər altı fərqli məkanda ətrafa atəş açıb. Hücumlardan biri Şvedenplats meydanında, sinaqoqun yaxınlığında baş verib. İlkin xəbərlərdə hücumun əsas hədəfinin sinaqoq olduğu barədə məlumatlar yayılıb.

Yəhudi Dini İcmasının Prezidenti Oskar Doyç isə Avstriya Teleradiosuna (ORF) müsahibəsində bildirib ki, cinayətkar dəstə sinaqoqu hədəfə almayıblar. O, sinaqoqun daim mühafizə edildiyini və həmin saatda məbəddə heç kimin olmadığını bildirib.

Son məlumata görə, baş verən silahlı hücumlar nəticəsində 2 nəfər ölüb, 14 nəfər yaralanıb.

Polis silahlı şəxslərdən birini zərərsizləşdirə bilib. Silahlılardan dördü təslim olsa da, digər üçü hadisə yerindən qaçıb. Hazırda şübhəli şəxslərin axtarışı üçün əməliyyat keçirilir.

Avstriya Kansleri Sebastyan Kurtz Vyanada baş vermiş hücumu terror aktı adlandırıb. Onun sözlərinə görə, silahlı insidentin motivləri hələ məlum deyil.

Əhaliyə ictimai yerlərdə olmamaq tövsiyə olunub, məktəblər də bağlanıb. Avstriya, qonşu ölkələrlə razılaşaraq, təhlükəsizliyin artırılması çərçivəsində sərhəd nəzarətini gücləndirib.

Vyanada naməlum şəxs sinaqoqda olanlara 50 dəfə atəş açıb.

“Report” “OE24” telekanalına istinadən xəbər verir ki, hadisə şəhərin mərkəzində baş verib.

Belə ki, şəxsiyyəti məlum olmayan şəxs sinaqoqda olan insanlara pulemyotla atəş açıb.

Nəticədə yeddi nəfər güllə yarasından dünyasını dəyişib. Daha sonra cinayətkar özünü partladıb.

Avstriya Daxili İşlər Nazirliyi hadisənin terror aktı olması versiyasını istisna etmir. Faktla bağlı araşdırma aparılır.

My late grandfather, Yitzhak, was born and raised in #Vienna. His family lived there for generations.
He immigrated to mandatory Palestine in the 1930’s because #antisemitism was on the rise and Jews were told to get out. pic.twitter.com/ReuITthl60

— Dan Poraz (@PorazDan) November 2, 2020