Vyanada iki qatar toqquşub, 7 nəfər xəsarət alıb - VİDEO

Bakı. 15 aprel. REPORT.AZ/ Avstriyanın paytaxtı Vyananın Maydlinq rayonunda yerləşən dəmiryolu vağzalında iki qatarın toqquşması nəticəsində 7 nəfər xəsarət alıb.

“Report” xəbər verir ki, bu barədə yerli polis məlumat yayıb.

Toqquşma şəhərətrafı və şəhərlərarası işləyən qatarlar arasında baş verib. Nəticədə bir neçə vaqon aşıb.

“Vyana-Maydlinq” vağzalı müvəqqəti olaraq bağlanıb. 30 nəfər xilas edilib, onlardan yeddisi xəsarət alıb”, - deyə polisin məlumatında bildirilir.