Macarıstanın baş naziri Viktor Orban Avropa Komissiyasına məktub ünvanlayaraq qurumun sədr müavini Vera Yurovanın vəzifəsindən azad edilməsini istəyib.
“Report” “Reuters”ə istinadən xəbər verir ki, o, sədr müavinini Macarıstanın ünvanına təhqiramiz ifadələr işlətməkdə ittiham edib.
“Sədr müavini Macarıstanda “xəstə demokratiyanın” formalaşdığını, eləcə də Avropa İttifaqının macar milliyətindən olan vətəndaşlarının müstəqil rəyinin formalaşmaq hüququnun olmadığını deyib”, - baş nazir Avropa Komissiyasının başçısı Ursula fon der Lyayenə ünvanladığı məktubda bildirib.