Yuxarı
    Bağlamaq

    Venesuelada keçirilən etiraz aksiyalarında ölənlərin sayı 60-a çatıb

    Həlak olanlar arasında hüquq-mühafizə orqanlarının da 3 əməkdaşı var© Courtesy İmage

    Bakı. 26 may. REPORT.AZ/ Venesuelada hökumət əleyhinə keçirilən etiraz aksiyalarında ölənlərin sayı 60-a çatıb.

    "Report" xəbər verir ki, bu barədə "Nacional" portalı məlumat yayıb.

    Portalın məlumatına görə, ölənlər arasında hüquq-mühafizə orqanlarının da 3 əməkdaşı var. Onlardan biri milli qvardiyanın əsgəri, ikisi isə polis əməkdaşıdır.

    Aksiyalar zamanı həlak olmuş digər şəxslər isə mülki sakinlərdir. Onlardan 9-u 14-18 yaşında olan yeniyetmələrdir.

    Qeyd edək ki, rəsmi rəqəmlərdə ölənlərin sayı 55 nəfər göstərilir.

    Venesuelada kütləvi etiraz aksiyaları aprelin əvvəllərindən keçirillir. Buna səbəb Ali Məhkəmənin müxalif Milli Assambleyanın səlahiyyətini məhdudlaşdırması olub. Qərar sonradan ləğv edilib. Lakin müxalifətin tərəfdarları küçələrə çıxaraq məhkəmə üzvlərinin vəzifədən uzaqlaşdırılmalarını və növbədənkənar seçkilərin keçirilməsini tələb edirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi