Yuxarı

​Vaşinqtonda IV Nüvə Təhlükəsizliyi Sammiti başlayır

Bu dəfə sammitə 50-yə yaxın nümayəndə heyəti qatılacaq

Bakı. 31 mart. REPORT.AZ/ Bu gün Vaşinqtonda IV Nüvə Təhlükəsizliyi üzrə Beynəlxalq Sammit öz işinə başlayır.

"Report" xəbər verir ki, sammitdə dünyanın müxtəlif ölkələrindən 50-yə yaxın nümayəndə heyəti iştirak edəcək. Onların əksəriyyətinə prezidentlər və ya baş nazirlər rəhbərlik edirlər.

Sammitdə iştirak üçün Vaşinqtona gələn nümayəndə heyətinin rəhbərləri martın 31-də ABŞ prezidenti Barak Obamanın Ağ Evdə təşkil edəcəyi işgüzar şam yeməyində bir araya gələcək.

Sammitin plenar sessiyası aprelin 1-də açılacaq. Orada iştirakçılar nüvə təhlükəsizliyinin gücləndirilməsi üçün milli tədbirləri müzakirə edəcək. Ardından işgüzar nahar zamanı bu mövzuda beynəlxalq fəaliyyət müzakirə olunacaq.

Sammit ABŞ prezidenti Barak Obamanın mətbuat qarşısındakı brifinqi ilə sona çatacaq.

Qeyd edək ki, martın 30-da Azərbaycan Prezidenti İlham Əliyev sammitdə iştirak etmək üçün ABŞ-a səfərə gedib.

Xatırladaq ki, daha öncə Nüvə Təhlükəsizliyi Sammiti Vaşinqton (2010), Seul (2012) və Haaqada (2014) keçirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi