Valensiyada COVID-19-a yoluxmuş turist 30 min avro cərimələnə bilər

Valensiyada istirahət edən zaman koronavirusa yoluxmuş turistlər öz hotel otaqlarında karantində qalmalı olacaqlar.

“Report” TASS-a istinadən xəbər verir ki, bu barədə yerli “El Mundo” qəzeti məlumat yayıb.

Sözügedən izolyasiya qaydalarının pozulmasına görə 30 min avro cərimə tətbiq edilə bilər.

Yeni protokol sentyabrın 15-dək qüvvədə olacaq. Yoluxmuş turist ölkəsinə qayıda bilmədiyinə görə 10 gün ərzində hoteldə, düşərgədə və ya mənzildə karantinə alına bilər.