Yuxarı

​ÜST: Son 5 ayda Yəməndə 3 640 nəfər ölüb, 17 302 nəfər yaralanıb

Toqquşmalarda ölən mülki vətəndaşların sayı 693, yaralıların sayı 3 820-yə çatıb

Bakı. 21 iyul. REPORT.AZ/ Yəməndə ölənlərin sayı 3 500-ü keçib, 17 mindən çox insan yaralanıb.

"Report" "Anadolu"ya istinadən xəbər verir ki, bu barədə Ümumdünya Səhiyyə Təşkilatının (ÜST) mətbuat katibi Kristian Lindmeyer BMT-nin Cenevrədəki iqamətgahında keçirdiyi mətbuat konfransında məlumat verib.

Onun sözlərinə görə, toqquşmalarda 19 mart - 10 iyul tarixləri arasında 3 640 nəfər ölüb, 17 302 nəfər yaralanıb.

BMT-nin İnsan Haqları üzrə Ali Komissarlığının mətbuat katibi Rupert Kolville də toqquşmalarda ölən mülki vətəndaşların sayının 693, yaralıların sayının 3 820-yə çatdığını söyləyib. O, həmçinin Yəmənin əd-Dali şəhərindəki mühasirənin humanitar yardımların çatdırılmasına ciddi əngəl törətdiyini bildirib. 

Rupert Kolville husilərin uşaqları döyüşçü kimi istifadə etməsi barədə də xəbərlər aldıqlarını deyərək, təxminən 1,6 milyon uşağın kifayət qədər qida qəbul etməməsi səbəbindən təcili surətdə müalicəsinin zəruri olduğunu və məktəblərin 70 faizinin bağlanmasından dolayı 1,84 milyon uşağın təhsildən kənarda qaldığını vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi