Yuxarı

​Uruqvay 6 müsəlman məhkuma sığınacaq verib

ABŞ 4 suriyalı, 1 fələstinli və 1 tunisli müsəlman məhkumu Uruqvaya təslim edib

Bakı. 8 dekabr. REPORT.AZ/ Uruqvay prezidenti Jose Mujika vəzifəsini gələn il martın 10-da yeni prezidenti seçilən Tabari Vazqueze təslim etməzdən əvvəl dünyanı heyrətə salan daha bir qərara imza atıb. "Report" xarici mətbuata istinadən xəbər verir ki, J.Mujika ABŞ-da 11 sentyabr hadisələrindən sonra salınan Kubadakı məşhur Quantanamo hərbi rejimli həbsxanada on ildən çoxdur həbs cəzası çəkən 6 müsəlman məhkuma sığınacaq verib. Belə ki, Uruqvay hökuməti 4 suriyalı, 1 fələstinli və 1 tunisli müsəlman məhkumun ABŞ-dan təslim aldığını açıqlayıb.

Uruqvay prezidenti bildirib ki, ölkəsinə gələn 6 müsəlmanla nə məhkum, nə də qaçqın kimi davranılacaq: "Bu şəxslər nə zaman hara istəsələr gedə bilərlər, qaçqın olmaq bir insanlıq haqqıdır və bu insanlar hər mənada azad olmalıdır".

J.Mujika ABŞ-ı da sərt şəkildə tənqid edərək vurğulayıb ki, Quantanamo bir həbsxanadan çox insanların qaçırılıb qanunsuz tutulduğu bir hücrədir.

Qeyd edək ki, ABŞ prezidenti Barak Obama təxminən on ay davam edən danışıqlar nəticəsində 6 məhkumun Uruqvay torpaqlarında ən azı iki il qalmaq şərti ilə J.Mujika ilə razılığa gəlib. Bununla belə, Quantanamoda hələ də 136 məhbusun olduğu bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi