Ukraynanın aldığı reaktiv raketlərin sayı açıqlanıb

Ukrayna indiyədək ABŞ və müttəfiqlərindən 26 reaktiv raket sistemi alıb.

“Report” UNİAN-a istinadən xəbər verir ki, bunu ABŞ müdafiə naziri (Pentaqon rəhbəri) Lloyd Ostin Ukraynanın Müdafiəsi üzrə Təmas Qrupunun iclasında deyib.

O xatırladıb ki, ABŞ aprel ayında ilk dəfə olaraq Ukraynaya 155 mm-lik M777 haubitsalarını təhvil verib və bu, NATO standartlarına uyğun olaraq Ukrayna ordusunda olan ilk artilleriya silahıdır.

L.Ostinin sözlərinə görə, bu dəstəklər Ukraynaya Rusiyaya qarşı müqavimət göstərməyə imkan verib.