Ukraynada son sutkada 34 mindən çox yoluxma qeydə alınıb

Ukraynada son sutkada 34 408 yeni yoluxma faktı qeydə alınıb.

“Report” UNIAN-a istinadən xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, gün ərzində 3342 nəfər xəstəxanaya yerləşdirilib, 144 nəfər ölüb, 6142 nəfər isə sağalıb.

Bundan əlavə, gün ərzində 168 073 test aparılıb.

Beləliklə, ölkədə yoluxanların sayı 3 980 610-a, ölənlərin sayı isə 99 882-yə çatıb.