Bakı. 2 mart. REPORT.AZ/ Lvov vilayətində qəza baş verən şaxtadan 20 şaxtaçı xilas edilib.
"Report" xəbər verir ki, bu barədə Ukrayna Milli Polisinin regional idarəsinin mətbuat xidmətindən bildirilib.
Ukrayna Şaxtaçıları Həmkarlar İttifaqının məlumatına görə, metan partlaması nəticəsində 10 nəfər ölüb, 7 nəfər yaralanıb.
Ukrayna Baş naziri Vladimir Qroysman, energetika naziri İqor Nasalik və Dövlət Fövqəladə Hallar Xidmətinin rəhbəri Nikolay Çeçetkin hadisə yerinə gediblər.
*** 16:57
Ukraynada Lvov vilayətinin Sokol rayonunun Qluxov kəndində "Lvovuqol" ASC-yə məxsus şaxtada partlayış baş verib.
"Report" "Unian"a istinadən xəbər verir ki, metan partlaması nəticəsində qaya çöküb.
Hadisə zamanı şaxtada 172, qəza sahəsində 34 nəfər olub. Onlardan 11-i ölüb, 6 yaralı şaxtaçı yuxarı çıxarılıb. 20 şaxtaçının taleyi naməlum olaraq qalır.
Partlayışın səbəbləri müəyyənləşdirilir.