Yuxarı
    Bağlamaq

    Ukraynada ərzaq satışı məhdudlaşdırılıb

    Qiymətlərin sürətli artım tempi qrivnanın məzənnəsinin kəskin şəkildə enməsinə səbəb olub

    Bakı. 25 Fevral. REPORT.AZ/ Ukraynanın ticarət obyektlərində adambaşına ərzaq mallarının satışına məhdudiyyət qoyulub. Əhali təşviş içərisində şəkər, un, günəbaxan yağı və gec xarab olan digər ərzaq malları alır.

    "Report" AzərTAc-a istinadən xəbər verir ki, Ukrayna mağazalarında qiymətlər, demək olar, hər gün, bəzən hətta gündə iki dəfə təzələnir. Belə ki, həftə ərzində şəkər 20 faiz, yanacaq 18 faiz, tərəvəz 13-20 faiz, çörək-bulka və makaron məmulatları 5 faiz bahalaşıb. Kiyevdə mağazaların piştaxtaları nəzərəçarpacaq dərəcədə boşalıb. İndi bir nəfərə iki paketdən çox qarabaşaq, iki butulkadan çox günəbaxan yağı, 2-5 kiloqramdan çox şəkər və un satılmır.

    Qiymətlərin sürətli artım tempi qrivnanın məzənnəsinin kəskin şəkildə enməsinə səbəb olub. Milli valyutanın dollara nisbətdə rəsmi məzənnəsi 28 Ukrayna qrivnası olsa da, bu məzənnə ilə heç kəs valyuta satmır. Qara bazarda isə dolları 39-45 qrivnaya almaq mümkündür.

    Baş nazir Arseni Yatsenyuk Milli Bankı və onun sədrini qeyri-peşəkarlıqda ittiham edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi